Baaton Baaton me Bicharney Ka Ishara Karkey
Khud Bhi Roya Woh Buhat Ham Se Kinara Karkey...

Sochta Rehta Hoon Tanhai Main Anjam-E-Khuloos
Phir Usi Jurm-E-Mohabbat Ko Dobara Karkey...

Jagmaga Di Hain Terey Shehrer Ki Galiyan Main Ne
Apney Askhon Ko Palkon Pe Sitara Karkey...

Dekh Letey Hain Chalo Hosla Apne Dil Ka
Aur Kuch Roz Tere Saath Guzara Karkey...

Aik Hi Sheher Main Rehna Hai Magar Milna Nahi
Dekhtey Hain Yeh Aziyat Bhi Gawara Karkey...

Full View »

Ek Zarra Main, Gardish Hai Wo,
Ek Katra Main, Baarish Hai Wo.
Kaise Karu Chahat E Khata,
Har Nazar Ki Khwahish Hai Wo.
Pighal Jayega Vajood Mera,

Ek Aisi Tapish Hai wo.
Kaise Kardu Jaan Fana,
Ek Sharara Main, Aatish Hai Wo.
Jhuk Raha Hai Dil Mera,
Jani Pehchani Kashish Hai Wo .
Kaise Ho Jau Qaid E Tamanna ,
Ek Parinda Main, Bandish Hai Wo .
Pana Aur Khona Komal” ,
Taqdeer Ki Navazish Hai Ab Toh .
Kaise Kahu, Padh Le Ey Khuda ,
Ek Lifafa Main, Guzarish Hai Wo .
Ek Zarra Main, Gardish Hai Wo ,
Ek Katra Main, Baarish Hai Wo .
Kaise Karu Chahat E Khata ,
Har Nazar Ki Khwahish Hai Wo...!!!

Full View »

Aansu`oon ki Tarah Nazron say Giraya Us Ne,,,
Apni khabar Na Mili Kuch Aise khak Mein Milaya Us Ne...

Elzaam Mujh Pe Lagaaya Magar Bewafa khud Tha,,,
Pehle Dewana Banaya Phir Mujhey Thukraya Us Ne...

Usko Mazaa Aata Hai Mujhko Sataane Mein,,,
Mujhe Geeli Lakri ki Tarah Jalaya Us Ne...

Aaya Na Tha Us ko Wadaa Wafaa Karnaa,,,
Logon ko Jhota Apni Wafa ka Qisa Sunaya Us Ne...

Tanhayon K Dard Se khoob Waqif Tha Woh “SAHIL”
Pher Bhi Dunya Mein Mujhe TANHA Baanaya Us NE...!!!

Full View »

Mai esay shakhs ki masoomiyat pe kya likhoon,,,
Jo mujhko uski khataoon mai bhi, bhala hi lagay...

Jo khuwab denay pe qadir tha, meri nazroon mai,,,

Azaab detay howai bhi mujhay, khuda hi lagay...

Na meray lutf pe hairan, na apni uljhan pe,,,
Muje yeh shakhs to har shakhs se juda hi lagay...!!!

Full View »

 

Ek shararat karte hain,
Aao muhabat karte hain,
Hansti ankhon se keh do,
Dariya hijrat karte hain,
Kuch dil aise hain jin par,

Hum bhi hukoomat karte hain,
Koi bat to hai mujh main,
Dushman bhi izzat karte hain,
Zinda rehna hai dushwar,
Achaa.. to himat karte hain,
Waise hotay nahi hain log,
jaise chahat karte hain,
Aksar apne aap se hum,
Teri shikayat karte hain...!!!

Full View »

Main dardon se likhti hoon zindagi ke kissey,,,
Tum sab dard un mein se chura loge naa???
Hawaao ke tevar se bahut mayoos hoon main,,,
Yeh jalte diye aandhiyon se becha loge naa???
Bekhabar hai chaand sudh leta nahin humaari,,,

Tum bhi sitaaron se dil apna behla loge naa???
Saja dein apni shayari agar kadmo pe tumhare,,,
Apni palkon par tum isko uthha loge naa???
Yakeen hai mujhko naa bhula paaoge tum bhi,,,
Faasle jo darmiyaa hai wo sab mita doge na???
Chalti hoon safar ke aankhiri padaav ke paar,,,
Tanhaai mein mujhko phir saja toh doge naa???

Full View »

Woh Jazboon Ki Tejarat Thi,,,
Yeh Dil Kuch Aur Samja Tha...
Usse Hansne Ki Adat Thi,,,
Yeh Dil Kuh Aur Samja Tha...
Mujhe Usne Kaha Ao Nai Duniya Basate Hain,,,

Use Sujhi Sharart Thi...

Yeh Dil Kuch Aur Samja Tha...

Humesha Uski Ankho Ma Dhank Se Rang Hote The,,,
Yeh Uski Aam Halat Thi...
Yeh Dil Kuch Aur Samja Tha...

Wo Mere Pass Betha Dair Tak Ghazlain Meri Sunta Tha,,,
Usey Khud Se Mohabat Thi...
Yeh Dil Kuch Aur Samja Tha...

Mere Kandhe Pe Sar Rakh Kar Kahin Par Kho Gaya Tha Woh,,,
Yeh Ek Waqti Inayat Thi...
Yeh Dil Kuch Aur Samja Tha...!!!

Full View »

Ab kahan dost mile saath nibhaney waley,,,
Sab ne seekhey hain ab adaab zamaney waley...

Dil jalao ya diye aankhon ke darwazey par,,,
Waqt se pehley tou aatey nahi aaney waley...

Ashq ban ke main nigaahon me teri aaoongaa,,,
Ae mujhay apni nigaahon say giraaney waley...

Waqt badla to uthaatey hain ab ungli mujh par,
Kal talaq haq mein merey haath uthaney waley...

Waqt har zakhm ka marham to nahi ban sakta,,,
Dard kuchh hotay hain ta-umar rulaaney waley...!!!

Full View »

Ye chaandni bhi jinko chhootey hue darti hai,,,
Duniya unhi phoolon ko pairon se masalti hai...

Shohrat ki bulandi bhi pal bhar ka tamasha hai,,,
Jiss daal pe baithe ho wo toot bhi sakti hai...

Lohaan me chingari jaise koi rakh jaye,,,
Yun yaad teri shab bhar seene me sulagti hai...

Aa jaat hai khud kheenchkar DIL seene se patri par,,,
Jab raat ki sarhad se ek rail guzarti hai...

Aansu kabhi palkon par ta-dair nahin ruktey,,,
Urr jaaatey hain ye panchi jab shaakh lachakti hai...

Khush rang parindon ke laut aane k DIN aaye,,,
Bichchre hue miltey hain jab barf pighalti hai...!!!

Full View »

Pass aa zara DIL ki baat bataoun tujhko,,,
Kaise dhadakta hai DIL Awazz sunaoun tujhko...

Aake tu dekh le DIL pe likha hai naam tera,,,
Agar kahe to DIL cheer ke dikhaoun tujhko...

Jitna jalaya hai tune pyaar me mujhko,,,
DIL to karta hai mein bhi jalaoun tujhko...

Ajnabi hota to aisa kar bhi deta,,,
Magar tu to apna hai kaise sataoun tujhko...!!!

Full View »

Ek Shakhs ko dekha tha, taro'n ki tarha humne,
Ek Shakhs ko chaha tha, apno ki tarha humne,,
Ek Shakhs ko samjha tha, Phoolo'n ki tarha humne,
Wo Shakhs qayamat tha, kya karein uski baatien,,
Din us k liye paida aur uski hi thi raatein,
Kab milta kisi se tha Hum se hi thi mulaqatein,,
Rang uska shahabi tha, Zulfon me thi maikharein,
Aankhen thi'n ke Jaadu tha, Palkein thi talwarein,,
Dushman bhi agar dekhey to Jaan se DIL haarey,
Kuchh tum se wo milta tha, Baato'n me shabahat thi,,
Haan tumsa hi lagta tha, Shokhi me Shararat me,
Lagta bhi tum hi sa tha, Dastoor-e-Muhabbat me,,
Wo Shakhs hume ek din apno ki tarah bola,
Taaro'n ki tarha dooba, Phoolo'n ki tarha toota,,
Phir haath na aaya wo humne bahut dhoondha,
Tum kis liye chonkey ho, kab Zikr tumhara hai,,
Kab tum se taqaza hai, kab tum se shikayat hai,
Ek taaza hikayat hai, Soun to inayat hai,,
Ek Shakhs ko dekha tha, taro'n ki tarha humne,
Ek Shakhs ko chaha tha, apno ki tarha humne,,
Ek Shakhs ko samjha tha, Phoolo'n ki tarha humne,
Ek taaza hikayat hai, Soun to inayat hai...!!!

Full View »